|
|
Releases - Tongan
|
Tukuatu Popoaki Talamonu ‘a e ‘Eiki Palemia ki he Timi ‘Akapulu ‘a e Pasifiki |
Mei he 'Ofisi 'o e Palemia, Nuku'alofa 6 Novema 2008: Na’e tukuatu ha popoaki me i he ‘Eiki Palemia, Toketa Feleti Vaka’uta Sevele, ki he Timi ‘Akapulu ‘a e Pasifiki (‘a ia ‘oku ui ko e Sports Hydrant Pacific Islanders Rugby Team), ‘o fakafofonga’i ‘a e poupou mo e talamonu mei he Pule’anga pea mo e kakai ‘o e fonua. ‘Oku lolotonga fai ‘a e teuteu ‘a e Timi ‘i Lonitoni ki he ‘enau fuofua feingatau tesi mo ‘Ingilani ‘i he ‘aho Tokonaki.
Na’e fakataumu’a ‘a e popoaki ki Pule ‘o e Timi, Sitiven Rabuka, ko e Palemia Malolo ‘o e Pule’anga Fisi ka e fakafou ‘i he ‘Ofisi ‘o e Kautaha ‘Akapulu ‘Iunioni ‘a Tonga ‘i Nuku’alofa.
Na’e kau ‘i he popoaki talamonu ‘a e ‘Eiki Palemia ‘a ‘ene me’a ‘o pehe, “Makatu’unga ‘i he ‘eku ngaue vaofi mo e ‘Akapulu ‘i Tonga ni ‘i he ngaahi ta’u lahi, ’oku ou tui ta’etoeveiveiua kuo totu’a ‘a e tokoni ‘a e ngaahi ‘Iunioni ‘Akapulu Fakafonua ‘e 12 me i he ‘Otu Motu Pasifiki ki hono hakeaki’i mo hono pouaki ‘a e sipoti ni fakamamanilahi. Ka ‘oku si’isi’i pea hahamolofia ‘a hono fakatokanga’i pea mo hono fakapale’i ‘a e ngaue ma’ongo’onga koia ‘e he ngaahi ‘Iunioni ‘Akapulu ‘o e ngaahi fonua lalahi mo tu’umalie. ‘E tokonilahi ho’omou ikuna’i ‘a e ngaahi feingatau temou fakahoko ki hono fakatokalelei ‘a e tonounou ko ia.”
Ko e Faiako ‘a e Timi ‘Ikale Tahi, Quddus Fielea, ‘oku Faiako Pule ‘i he Timi ‘a e Pasifiki. Pea ko e kau va’inga e toko 10 ‘a Tonga mo Fisi ‘i he Timi pea ko e toko 8 ‘a Ha’amoa. Ko Mosese Rauluni mei Fisi ‘oku kapiteni pea ‘oku tokoni ki ai ‘a e kapiteni ‘o e Timi ‘Ikale Tahi, ‘Otenili Latu.
Issued by: The PMO Website Bureau, Prime Minister's Office, P.O. Box 62, Nuku'alofa, Tonga.
Telephone: (676) 24 644 Fax: (676) 23 888 Email:
This e-mail address is being protected from spambots. You need JavaScript enabled to view it
|
|
|
KATOANGA’I ‘E TONGA ‘A E ‘AHO FAKAFONUA FAKAPULE’ANGA - 4 NOVEMA 2008 |
Mei he 'Ofisi 'o e Palemia, Nuku'alofa 3 Novema 2008:‘E katoanga’i fakafonua ‘e Tonga ‘a e fuofua ‘Aho Fakafonua Fakapule’anga ‘i he ‘apongipongi, ko e ‘aho Tusite ko hono 4 ‘o Novema 2008, ‘aki ‘a e kaveinga, “Ko e ‘Otua Mo Tonga Ko Hoku Tofi’a”. Na’e kamata pe foki ‘a e katoanga mei he ‘aho Tokonaki ko hono ‘uluaki ‘o Novema, ‘aki ha Katoanga Faiva Hele’uhila Nounou pea mo ha Katoanga Hiva Fakalotu ‘i he ‘aho Sapate ko hono 2 ‘o Novema. Na’e fakahoko mo e Katoanga Hiva Kakala he ‘aho Monite ko hono 3 ‘o Novema.
Na’e ‘aho malolo fakapule’anga pe foki ‘a e ‘aho 4 ‘o Novema, ko hono fakamanatu ‘a e ‘aho ‘i he ta’u 1875 na’e fakapaasi ai ‘e he Fale Alea ‘o Tonga ‘a e Konisitutone ‘o e fonua. Ka na’e mokoi e finangalo ‘o ‘Ene ‘Afio, King Siaosi Tupou V, ke hoko ‘a e ‘aho 4 ‘o Novema ko e ‘Aho Fakafonua Fakapule’anga, ‘o kamata ia he ta’u ni - 2008.
Na’e kau ‘i he Katoanga Faiva Hele’uhila Nounou ‘a hono fuofua hulu’i ‘i Tonga ni ‘a e ngaahi fo’i faiva hele’uhila nounou ‘e 13, ‘a ia na’e fa’u ‘e he ngaahi Kulupu To’utupu, ‘o tokoni kia kinautolu ‘a e tangata talekita faiva hele’uhila Tonga, ko Neka ‘Aipolo. Na’e kau ‘i he ngaahi kaveinga na’e vakai’i ‘e he ngaahi Faiva ‘a e: kava malohi mo e faito’o kona tapu; ta’ema’ungaue; ko e ‘Ofa; ko e Tui Mo’oni; ko e Mamahi’i Mea; ko e Talangofua; mo e vailasi ‘eitisi. Na’e faitaa’i katoa foki e ngaahi faiva ni ‘i Tonga ni pe, pea ko e to’utupu Tonga pe ‘oku nau ‘eti’i ‘a e faiva – na’e fakafokifa pe ‘a e pasi mo e hikituee ‘a e kau mamata ‘i he momeniti ‘oku nau sio ai kiha taha ‘oku nau ‘ilo’i ‘oku ‘asi ‘i he faiva! ‘Oku faka’amu ‘ae kau fa’u polokalama ‘e to e lahiange ‘a e ngaahi faiva hele’uhila ‘i he polokalama ‘o e ta’ufo’ou.
Na’e kau mai ki he Katoanga Hiva Fakalotu ‘i he Mala’e Teufaiva he po Sapate, ‘a e ngaahi Kau Hiva ‘a e ngaahi Siasi tokolahi ‘o kau ai ‘a e kau hiva mei he: Siasi ‘o Tonga; Siasi ‘Ahofitu; Taiosisi Katolika ‘o Tonga mo Niue; pea moe Siasi Uesiliana Tau’ataina ‘o Tonga. Ko ‘Eiki Pisope Soane Patita Paini Mafi, Pisope ‘o e Taiosisi Katolika ‘o Tonga mo Niue, na’e Fakaafe Fakalangilangi.
‘Oku kau ‘i he polokalama ‘o e Katoanga ‘o e ‘aho Tusite, ko hono 4 ‘o Novema, ‘a e: Polokalama Fusi Fuka ‘i he Tu’unga Fuka ‘i Pangai Lahi pe a mo e Tofolofola ki he Fonua ‘a e Ta’ahine Pilinisesi Pule, Pilinisesi Salote Mafile’o Pilolevu Tuita; Laka ‘a e fanau ako mei he ngaahi Lautohi Si’i pea ta mo ‘enau ma’ulu’ulu ‘i Teufaiva; Faka’ali’ali taleniti hiva mo e tau’olunga ‘a e ni’ihi ‘o e kau taleniti tu’ukimu’a e fonua .
Issued by: PMO Website Bureau, Prime Minister's Office, P.O. Box 62, Nuku'alofa, Tonga.
Telephone: (676) 24 644 Fax: (676) 23 888 Email:
This e-mail address is being protected from spambots. You need JavaScript enabled to view it
|
|
Tokoni Pule'anga ki he Polokalama Takanga 'a e To'utpu |
|
Mei he 'Ofisi 'o e Palemia, Nuku'alofa 9 Okatopa 2008: Na’e fakamanatua ‘e he Potungaue Ako Faka-kalisitiane ‘o e Siasi Uesiliana Tau’ataina ‘o Tonga ‘i he ‘aho Tokonaki 4 ‘o ‘Okatopa 2008 ‘aki ha Lotu Fakafeta’i ‘a e kakato ‘a e ta’u ‘e 125 Fakamamani Lahi ‘o e Polokalama Takanga ‘a e To’utupu fakataha moe kakato ‘a e ta’u ‘e 28 ‘o e kamata ‘a e polokalama ni ‘i Tonga ni. Ko e fakaafe fakalangilangi ‘i he Lotu Fakafeta’i ni, koe Palesiteni ‘o e Siasi, Faifekau Toketa ‘Alifaleti Malakai Mone. Na’e me’a foki he polokalama ni mo e ‘Eiki Palemia, Toketa Feleti Vaka’uta Sevele ke ne me’a tonu ki he ngaahi faka’ali’ali ‘a e ngaahi takanga to’utupu. Na’e foaki foki ‘e he ‘Eiki Palemia ki he Palesiteni ‘o e Potungaue Ako Faka-kalisitiane, Toketa Siotame Havea ha tokoni mei he Pule’anga ki he Polokalama Takanga ‘a e To’utupu ‘o e Siasi Uesiliana Tau’ataina ‘o Tonga. |
|
Read more...
|
|
Fiefia 'a Kolofo'ou 'i hono Fakafo'ou 'a e Ngaahi Tu'utu'u ni ki he Ngaahi Me'a Fakafokifa |
|
Na’e a’u tonu mai ki he ‘Ofisi ‘o e Palemia ‘i he ‘aho ni ‘a e ‘Ofisa Kolo ‘o Kolofo’ou, Tevita Manu Fasi, mo ha’ane tohi ‘o fakafofonga’i ‘a e fiefia ‘a e kakai ‘o Kolofo’ou ‘i hono fakafo’ou ‘e he Fakataha Tokoni ‘a e Ngaahi Tu’utu’uni ki he Ngaahi Mafai ‘I ha Me’a Fakafokifa 2008. |
|
Read more...
|
|
Mahu'inga 'o e Pule 'a e Lao |
|
Mei he Potungaue Lao, Nuku'alofa, 4 'o Sepitema 2008: FAKAHÃ ‘E HE KAU MINISITA LAO ‘O E KOMONIUELI ‘I ‘ETINIPUA, SIKOTILANI ‘A E MAHU’INGA ‘O E PULE ‘A E LAO |
|
Read more...
|
|
Ko 'Ene 'Afio Kingi Siaosi Tupou V, Ko e Tu'i ki he taimi 'o e liliu |
Mei he 'Ofisi Palemia, Nuku'alofa, 28 July 2008: Ko Kingi Siaosi Tupou V, hau ‘o e fonua ko Tonga he Pasifiki Tonga, ‘oku ne mokoi ke hoko ko e taulama ‘o e fakatautau ‘o e liliu na’e faka-finangaloa ‘aki ha langi mama’o ‘o ha Pule’anga kuo toe haukafa.
|
|
Read more...
|
|
Fakanofo 'o e kau 'Eiki Lao |
|
Mei he 'Ofisi Palemia, Nuku'alofa, 'aho 28 'o Siulai 2008: Kuo fakanofo ‘e he ‘Ene’Afio, Kingi Siaosi Tupou V ‘a e kau loea tu’ukimu’a ‘e toko fā ko e Kau ‘Eiki Lao Fekau ‘a ‘Ene ‘Afio kenau fokotu’u ‘a e Komiti Fakamaau ‘o e Fakataha Tokoni. Tenau fale’i ‘a e Tu’i ‘i hono fakahoko hono ngaahi mafai faka-fakamaau, ‘o kau ai ‘a e ngaahi fatongia fekau’aki mo e ngaahi fakanofo, ngaahi meesi, ngaahi Komisoni Faka-Tu’i |
|
Read more...
|
|
TALI 'E HE FALE ALEA KE FAKATAU FAKAFOKI MAI E 'UHILA MEI HE SHORELINE |
|
Mei he 'Ofisi Palemia, Nuku'alofa, 'aho 25 Siulai 2008: Na’e tali ‘e he Fale Alea ‘i he ‘aho Tusite, ko hono 22 ‘o Siulai, ke fakatau fakafokimai ‘a e ‘uhila mei he kautaha Shoreline. |
|
Read more...
|
|
PAASI 'E HE FALE ALEA 'A E LAO FAKAANGAANGA KI HE KOMISONI KI HE KONISITUTONE MO E FILI FALE ALEA |
Mei he 'Ofisi Palemia, Nuku'alofa, 'aho 23 Siulai 2008: Na’e fakapaasi ‘e he Fale Alea ‘i he ‘aho Tusite ko hono 22 ‘o Siulai, ‘a e Lao Fakaangaanga Ki He Komisoni Ki He Konisitutone Mo E Fili Fale Alea 2008. ‘Oku hoko ‘a e fo’ingaue ma’ongo’onga ni ke ne fakatokalelei ‘a e hala ki hono fakahoko ‘a e konga faka’osi ‘o e polokalama fakalelei fakapolitikale.
|
|
Read more...
|
|
KO 'ATALANGA KO E 'API 'O 'ENE 'AFIO KUO UNGA FONUA, KUINI SALOTE, PEA MO E NGAAHI 'EA 'O HONO SINO |
|
Mei he 'Ofisi Palemia, Nuku'alofa, 'aho 23 Siulai 2008: Ko e ‘Api ‘oku tu’u ‘i he tu’asila: 183 St Andrews Road, Epsom. ‘Okalani, ‘a ia ‘oku ‘iloa ‘i he ‘aho ni ko “‘Atalanga”, ko e ‘Api nofo’anga fuoloa ia ‘o e tangata’eiki ko Dennis Raoul Nillel Nathan, ‘a ia ‘oku ta’u 95 hono ta’u motua, pea ‘oku lolotonga nofo faka-uitou ‘i he tu’asila ko e: 7 St Vincents Avenue, Remuera, ‘Okalani, Nu’u Sila. |
|
Read more...
|
|
Fakanofo e ongo 'Eiki Fakaleveleva |
 Kuo mokoi ‘a e finangalo ‘o ‘Ene ‘Afio Siaosi Tupou V ki he fakanofo faka‘ei’eiki ‘o e toko ua (2) ‘i he Hou’eiki Nōpele ‘o Tonga. |
|
Read more...
|
|
|
|
|
<< Start < Prev 1 2 Next > End >>
|
|
Page 1 of 2 |
|
