30th September 2016 Kuo tali ‘e he Komisoni ‘Uhila ke ngaue’aki ‘a e totongi ‘uhila fo’ou ko e seniti ‘e 73.99 ki he ‘iuniti pe koe hiki ia ‘aki e seniti ‘e 1.875 ki he ‘iuniti ‘o kamata ngaue’aki mei he ‘aho 1 ‘Okatopa 2016.
Ko e totongi fo’ou ko ‘eni ‘a e ‘uhila ko e hiki ia mei he seniti ‘e 72.11 ki he ‘iuniti mei he totongi lolotonga ‘a ia na’e ngaue’aki talu mei Siulai 2016. Ko e hiki foki eni ‘a e totongi ‘uhila makatu’unga mei he ‘ikai ke fe’unga ‘a e pa’anga hu mai mei he totongi ‘o e lolo ‘i he kuata kuo tau situ’a mei ai talu mei he hikihiki e totongi ‘o e lolo tisolo ‘i Fepueli 2016 mei he seniti ‘e 0.87/lita ki he $1.18/lita i Siulai 2016.
Ko e totongi fo’ou ‘eni kuo tali ke ngaue’aki ‘e he Komisoni ‘Uhila:
| Island
|
Current
Non-Fuel Component |
Current Fuel Component | Current
Electricity Tariff |
Change in
Fuel Tariff Component |
%
Change |
Change in
Fuel Tariff Component |
| Tongatapu | 44.35 | 27.76 | 72.11 | 1.875 | 2.6% | 73.99 |
| Vava’u | 44.35 | 27.76 | 72.11 | 1.875 | 2.6% | 73.99 |
| Ha’apai | 44.35 | 27.76 | 72.11 | 1.875 | 2.6% | 73.99 |
| Eua | 44.35 | 27.76 | 72.11 | 1.875 | 2.6% | 73.99 |
‘I he taimi tatau pe ‘oku kei ma’ulalo pe ‘a e totongi fo’ou ‘aki ‘a e peseti ‘e 16 fakatatau ki he totongi ‘uhila ‘i Fepueli 2015 ‘a ia na’e seniti ‘e 87.79 ki he ‘iuniti.
‘Oku tokoni foki ‘a e ngaahi faama sola pea moe ma’u’anga ivi mei he havili ki hono holoki ‘o e totongi ‘uhila lolotonga ‘aki ‘a e seniti ‘e 6 ki he ‘iuniti. ‘Okapau na’e ‘ikai kau mai ‘a e tokoni mei he faama sola moe ma’u’anga ivi mei he havili na’e ‘i he seniti ‘e 78.11 ki he ‘iuniti ‘a e totongi ‘uhila.
Ko e ngaahi liliu ki he totongi ‘o e ‘uhila ‘oku fakatatau ia ki he ngaahi tu’utu’uni ‘i he Aleapau
Felotoi ‘a e Komisoni ‘Uhila, Tonga Power Ltd pea moe Pule’anga. Ko e Pule Fe’unga (Competent Authority) ko e sino ia ‘a e Pule’anga Tonga ‘oku ne pule’i ‘a e totongi tu’uta ‘a e lolo tisolo ‘i Tonga ni, ‘a ia ‘oku ngaue’aki ‘e he Tonga Power Ltd ki hono fika’i ‘o e totongi ‘o e lolo ‘oku ngaohi ‘aki ‘a e ‘uhila.
Malo moe faka’apa’apa atu,
Tonga Power Ltd.
30 ‘Okatopa 2016
