10 Sune, 2020 Kuo fokotu’utu’u ‘e he Kömiti Fakafonua ki he Ngaahi Me’a Fakafokifá (National Emergency Management Committee) ‘a e polokalama fakaangaanga (drill) ‘o e ngaahi ngäue ‘e fakahoko kakato ko e tokateu kimu’á pea faka’atä e kau’ä fonuá. Ko e polokalama ko ení ‘oku palani ke fakahoko ‘i he ‘aho Tüsite, 16 ‘o e uike kaha’u.
‘I he fakamatala ‘a e Pule Lahi ki he Potungäue MEIDECC, Paula Pouvalu Ma’ú ki he fakataha’angá ‘i he ho’ata ‘o e ‘ahó ni ko e mateuteu atu ení ki hono talitali koia ‘a hotau kakai tenau foki mai mei mulí.
“’I he tu’uta mai koia ‘a e ‘uluaki kau folau ki Tongá ni, kuo’osi maau atu ‘a e ngaahi ngäue ‘e fakahoko kia kinautolú pea mahino mo e feitu’u tenau quarantine aí. Ko e tau mai pë ‘a e vakapuna ki Fua’amotú ‘e ‘i ai e kömiti pau tenau ngäue kia kinautolú fakataha mo ‘enau ngaahi uta.”
“’E ‘omai hangatonu kinautolu mei mala’e vakapuna ki he nofo’anga makehe (quarantine facility), tenau nofo aí. ‘A ia ‘e ‘ikai ke toe ngofua ha fämilí pë ha taha ke ‘i mala’e vakapuna he ‘aho ko ení tuku kehe ange ‘a kinautolu kuo ‘osi fakamafai kenau fakahoko fatongia he taimi koiá.”
Na’á ne lave foki ki he foomu lesisita (repatriation registration form) ‘e fiema’u ke fakafonu ‘e kinautolu ‘e foki maí kimu’á ‘enau tu’uta ‘i Tongá ni.
“Ko e repatriation registration form ‘oku ‘osi online ia he taimí ni pea ‘oku ‘osi ‘asi kakato ai ‘a e ngaahi tu’utu’uni pau kimu’á pea nau folau maí pea pehë ki he’enau nofo ‘i he nofo’anga makehé.”
Ko e fakaikiiki ‘o e foomu lesisita ko ení ‘e ma’u ia ‘i he – https://citizensregistration.gov.to
Na’e fakahä ‘e Paula ‘e fakamamafa’i ‘aupito ‘a e ngaahi tu’utu’uni ngäue ko ení makatu’unga pë ki he hao mo e malu ‘a e fonua mei he COVID-19.
Taimi tatau na’e pehë ‘e he ‘Ᾱteni Senialé, Linda Folaumoetu’i ko e tautea ki hono maumau’i ‘o e ngaahi tu’utu’uni ngäue ko ení ‘e a’u pë ki he mo’ua pa’anga ‘e $50,000 fakatatau ki he Public Health Act.
‘E toki mahino mei Kapineti e ‘aho ‘e fakaava ai e kau’ä fonuá.
NGATA’ANGA
Tuku atu mei he: Potungāue Fakamatala ‘Eá, Ma’u’anga Iví, Ma’u’anga Fakamatalá, Tokangaekina Ngaahi Fakatamaki Fakaenatulá, ‘Atakaí, Feliuliuaki ‘o e ‘Eá mo e Fetu’utakí
