‘E malava ke ke fakafo’ou ho’o paasipooti Tonga ‘i ha’o fetu’utaki ki he ‘ofisi Potungāue ki Muli pe ko ha’o a’u tonu ki he ‘ofisi Talafekau Lahi ‘a Tonga ‘oku ofi taha kiate koe í muli. ‘E fiema’u ke fakahū mai’aki ho tohi kole paasipooti ‘a ho’o tohi paasipooti kuo ‘osi hono taimi ngāue, foomu kole paasipooti fo’ou kuo ‘osi fakafonu mo e ngaahi totongi ‘oku fiema’u. Ki ha fiema’u paasipooti fakavavevave ‘e fiema’u ke ke kole ki he ‘ofisi kenau ngaue fakavavevave kiai.

He kaha’u vave mai: Ke fetu’utaki mai ki he Potungāue ki ha taimi fepōtalanoa’aki ‘e fakafou mai he peesi ‘initaneti “Citizen Portal”.

‘E malava ke ke fakafo’ou ho paasipooti Tonga ‘i ha taha pe ‘o e ngaahi ‘ofisi Talafekau Lahi ‘a Tonga ‘i tu’apule’anga ‘o kapau ‘oku ke nofo muli. ‘E fiema’u ke fakahū mai’aki ho tohi kole paasipooti ‘a ho’o tohi paasipooti kuo ‘osi hono taimi ngāue, foomu kole paasipooti fo’ou kuo ‘osi fakafonu mo e ngaahi totongi ‘oku fiema’u. Ki ha fiema’u paasipooti fakavavevave ‘e fiema’u ke ke kole ki he ‘ofisi kenau ngaue fakavavevave kiai.

Kapau ‘e mole pe pulia ho paasipooti lolotonga ‘okú ke folau ki ha fonau muli, fetu’utaki he taimi pe koia ki he ‘ofisi Talafekau Lahi ‘a Tonga pe Konisela Tonga ofi taha kiate koe ‘i he feitu’u ‘oku ke folau kiai. Te nau ngāue ki ha tohi fakataimi pe paasipooti fakavavevave ke folau foki’aki ki Tonga pe ko ha toe fonua kehe.

Ko e tokoni ‘a e Pule’anga Tongá ki he tangata’i fonua Tonga ‘oku nau nofo ‘i muli, ko hono fakafo’ou ‘a e paasipooti Tonga, tokoni fakalao, tokoni ‘o kapau ‘e hoko ha fakatamaki fakaenatula, fakatu’utamaki mo e ngaahi ‘isiu fakalao. Te mou lava ‘o fetu’utaki ki he ‘ofisi Talafekau Lahi pe Konisela ofi taha kiate koe.