Ngaahi tokoni fakafou he ‘initaneti
Ngaahi Tukuhau & Pa’anga
Ngaahi fakamatala ki hono faile ‘o e tukuhau fakafo’ituitui pea mo hono pule’i ‘o e pa’anga fakafo’ituitui,
‘E malava ke ke totongi ho’o tukuhau ngāue’aki e peesi ‘initaneti e Potungāue pe ko ho’o a’u tonu ki he ‘ofisi ‘a e Potungāue Tānaki Pa’anga Hū Mai mo e Tute. Ko e ngaahi founga totongi ‘e malava ke fakafou he fe’ave’aki pa’anga hangatonu fakafou he ‘initaneti ki he pangikē, totongi kaati pe ko e totongi hangatonu ki he ngaahi pangikē kuo ‘osi fakamafai’i.
Teke lipooti ki he ‘ofisi ofi taha kiate koe ‘a e Potungāue Tānaki Pa’anga Hū Mai moe Tute.
He kaha’u vave mai: Ke fetu’utaki mai ki he Potungāue ki ha taimi fepōtalanoa’aki ‘e fakafou mai he peesi ‘initaneti “Citizen Portal”.
Ko e tukuhau fakatautaha ‘oku ‘osi ia ki he ‘aho 31 ‘o Ma’asi he ta’u kotoa ki he ta’u fakapa’anga kuo’osi. ‘E malava ke tali ke fakalōloa kapau ‘e kole ki he Potungāue ‘i he taimi tatau ‘e kei hilifaki pe ‘a e totongi tōmui.
‘E malava ke lesisita/laiseni ho’o pisinisi ki ha fika tukuhau ‘o fakafou ‘i he peesi ‘initaneti ‘a e Potungaue Fefakatau’aki mo e Fakalakalaka Faka’ekonomika (MTED), pe ko ha’o a’u hangatonu ki he ‘ofisi ‘a e MTED. Ki ha toe fakamatala fakaikiiki ki he Laiseni Pisinisi ‘e ma’u atu ia heni.