Kapau ‘e mole pe pulia ho paasipooti lolotonga ‘okú ke folau ki ha fonau muli, fetu’utaki he taimi pe koia ki he ‘ofisi Talafekau Lahi ‘a Tonga pe Konisela Tonga ofi taha kiate koe ‘i he feitu’u ‘oku ke folau kiai. Te nau ngāue ki ha tohi fakataimi pe paasipooti fakavavevave ke folau foki’aki ki Tonga pe ko ha toe fonua kehe.

Kaekehe ‘e lava pe ke ke fetu’utaki ki he Potungaue ki Muli ‘i ha’o ‘ave ho ngaahi fiema’u ‘i he “Citizen Portal” ‘e ‘ataa vave mai he kaha’u.

Ko e tokoni ‘a e Pule’anga Tongá ki he tangata’i fonua Tonga ‘oku nau nofo ‘i muli, ko hono fakafo’ou ‘a e paasipooti Tonga, tokoni fakalao, tokoni ‘o kapau ‘e hoko ha fakatamaki fakaenatula, fakatu’utamaki mo e ngaahi ‘isiu fakalao. Te mou lava ‘o fetu’utaki ki he ‘ofisi Talafekau Lahi pe Konisela ofi taha kiate koe.

‘Oku kalasi kehekehe pe ‘a e visa fakatatau ki he matakali ‘oku ke kau kiai pea mo e taumu’a ho folau mai ki Tonga. ‘Oku ‘i ai e ngaahi tangata’i fonua ‘o e ngaahi fonua ‘e ni’ihi ‘oku ‘ikai toe fiema’u ke ma’u ha ngofua ‘o kapau ‘oku nau tumu’a pe ke nau ‘i Tonga ni he taimi nounou, ‘i he taimi tatau ‘oku ‘i ai e ngaahi fonau ‘oku fiema’u ia ke kole visa kimu’a pea nau toki tu’uta mai. Ka fiema’u ke ke ‘ilo’i ‘a e ngaahi feima’u ki ho’o fonua kātaki ka ke lava atu ki he Va’a Tā Visa ‘e Potungāue, ko’enau peesi fakamatala pe ‘ofisi Konisela Tonga ofi kiate koe.