‘Oku lahi ‘a e ngaahi founga te ke ma’u ai e ngaahi tu’uaki ngāue ‘a e Pule’anga. ‘I he kaha’u vave mai te ke lava ai ke ke kole tohi ngāue ki he ngaahi tu’uaki ngāue ‘a e Pule’anga ‘i heni. Teke to e lava pe ‘o hū ki he peesi ‘initaneti ‘a e Komisoni e Kau Ngāue Faka-Pule’anga (PSC) ‘o fakakakato e ngaahi foomu kole hu pea mo hono ngaahi tohi ‘oku fiema’u (CV) pea mo e ngaahi tohi fakaako (qualifications) ‘i loto he ‘aho ‘oku ‘osi kiai.

Ke feʻunga, ʻoku fiemaʻu ke ke feau ʻa e ngaahi fie maʻu fakaako mo fakapalofesinale ki he ngaahi tu’unga pau. ʻOku ʻomai ʻe he lisi ngāue takitaha ha fakamatala fakaikiiki fekauʻaki mo e aʻusia ʻoku fiemaʻu. ‘Oku ‘i ai ‘a e ngaahi tu’unga ngāue pau ‘oku ne toe fiema’u ha ngaahi tohi tu’unga fakaako makehe mo ha setifikaiti ‘a ia tenau fakahā mahino mai pē.

‘Io, teke lava ‘o kole ngāue mai ki he Pule’angá mei muli ka kuopau pe ke ke ma’u e taukei mo taau ho’o ngaahi tohi tu’unga fakaako, pea mo ho’o totonu ke ke ngāue kae pehee ki he ngaahi faka’eke’eke ‘e fiema’u.

‘E malava ke lesisita/laiseni ho’o pisinisi ki ha fika tukuhau ‘o fakafou ‘i he peesi ‘initaneti ‘a e Potungaue Fefakatau’aki mo e Fakalakalaka Faka’ekonomika (MTED), pe ko ha’o a’u hangatonu ki he ‘ofisi ‘a e MTED. Ki ha toe fakamatala fakaikiiki ki he Laiseni Pisinisi ‘e ma’u atu ia heni.

Ko e ngaahi tu’utu’uni ‘a e Kapineti pea moe Pule’anga ‘oku tukuatu ia ki he kakai mei he ‘Ofisi ‘o e Palēmia mo ‘enau Va’a Ngāue ki he ngaahi Tu’utu’uni. ‘Oku tukupā ‘a e ‘Ofisi Palēmia ke ha ki tu’a ‘enau ngaue fakapule taimi tatau ke kei tauhi pe ‘a e malu ‘a e ngaahi fakamatala ‘oku pelepelengesi. Te ke ma’u ‘a e fakaikiiki mei he peesi uepisaiti ‘a e ‘Ofisi Palēmia.

‘E malava ke ma’u ‘a e ngaahi tokoni ko’eni ‘i he tokoni ‘a e Pule Fakavahe mo e ‘Ofisa Kolo ‘oku nau malumalu ‘i he Va’a Ngāue Fakalotofonua. Ko e tohi kole ki he ngaahi tokoni fakalakalaka ki he ngaahi kolo kuopau ke fenāpasi pea mo e Palani Fakalakalaka pea ke fakahū mai ia ‘e ho’omou Pule Fakavahe pe ko e Va’a Ngāue Fakalotofonua ‘a e ‘Ofisi Palemia.

‘Oku tokanga’i ‘e he ‘Ofisi Pamēlia ‘a e ngaahi ‘ofisi ‘i he ngaahi ‘otu motu ‘o fakafou ‘i he ngaahi ‘ofisi ‘a Kovana pea mo e fakafofonga Pule’anga:

• ‘Ofisi ‘i Vava’u: Fale ‘oku tu’u ai e Pangikē Fakalakalaka ‘o Tonga, Neiafu, Telefoni: – +67670534
• ‘Ofisi ‘o e Kovana Ha’apai
• ‘Ofisi Fakafofonga Pule’anga ‘o ‘Eua
• “Ofisi Fakafofonga Pule’anga ‘o Niuatoputapu
• ‘Ofisi Fakafofonga Pule’anga ‘o Niuafo’ou