ʻOku fakahoko ʻe he Komisoni ʻa e Ngāue Faka-pule’anga(PSC) ha fatongia mahuʻinga ʻi hono tokangaʻi ʻa e va’a ‘o e ngaue fakapule’anga, ʻo fakapapauʻi ʻoku lele lelei, pea lava lelei pea fakahoko totonu mo maau. Naʻe fokotuʻu ʻi he malumalu ʻo e Lao Ngāue Faka-pule’anga, ʻoku fatongia ʻaki ʻe he PSC ʻa e fakangāue’i, ako fakataukei, mo hono tokangaʻi ʻo e kau ngāue fakapuleʻanga, ʻi he ngaahi potungāue ‘a e pule’anga mo e ‘u kautaha. ʻOku ne fakatupulaki mo fakahoko ʻa e ngaahi tuʻutuʻuni ʻoku ne fakaʻaiʻai ʻa e puleʻi lelei, faitotonu, maau mo fakakakato ‘i loto ‘i he sekitoa ‘a e pule’anga. ʻI hono fai ia, ʻoku tokoni ʻa e PSC ki hono faka’ilonga’i ʻo e Fa’unga Fakalakalaka Faka-e-ngāue II ‘a Tonga (Tonga Strategic Development Framework II (TSDF II)), ʻo fēnāpasi mo e ‘u founga ngāue fakapule’anga ‘aki ‘a e taumu’a fakafonua ki he tupu faka’ekonomika, tauhi mo pule’i lelei pea mo tokangaekina ke tu’uma’u ‘a e fakalakalaka.

Ko e tefitoʻi taumuʻa ʻo e PSC ko hono fakatupulekina ‘a e ngaahi faingamālie ngāue ma’ae kau ngāue fakapule’anga, ‘o ‘oatu ha ngaahi ako fakataukei mo ha fakatupulekina ‘o e poto’i ngāue, ke fakapapauʻi ʻe lava ke tupulaki ʻa e kau ngāue fakapuleʻanga ʻi honau ngaahi fatongia mo fakahoko ha ngaahi fatongia lelei ‘i ha tu’unga mā’olunga ki he kakai. ʻOku ʻikai ngata pe ʻi hono poupouʻi ʻe he PSC ʻa e tupulaki fakapalofesinale ʻa e kau ngāue faka-puleʻanga ka ʻoku ne to e fakapapauʻi foki ʻoku kei tokanga pe ʻa e kau ngaue faka-puleʻanga ki he ngaahi fiemaʻu feliliuaki ʻa e tangataʻi/fefine’i fonua ʻo Tonga.

Ko e Hū’anga foʻou ki he ʻInitāneti mo e sisitemi ki he ‘u lakanga ‘oku ‘atā, ko ha sitepu fisifisimu’a ia ki muʻa ʻi he founga ʻoku fakatou ngaue ki ai ʻa e Komisoni ke tokoni ki he kau ngāue faka-pule’anga pea moe kakai ‘o Tonga. ʻE fakahoko ‘e he faingamālie faka-tisitale ko eni ha founga angafai ‘oku fakalele faka’initaneti ke lava ai ‘a e tohi kole ki ha ‘u lakanga ngāue faka-pule’anga, mo fakapapau’i ‘a e tonu mo taau ka e pehē foki ke potupotu tatau ‘a hono ma’u ‘e he Kakai ‘o Tonga ‘a e faingamālie. ʻI hono fakaʻatā ko ia ʻo e kau fakaʻaongaʻi eni, ke fakahū hake ʻa e ‘u tohi fakamo’oni ako moe CV ‘o tohi kole hangatonu aipe ki he ‘u lakanga ‘oku ‘atā ʻi he ʻInitaneti, ʻoku ʻfaka-faingōfua’i ai ‘e he hū’anga ni ki he fakataautaha ke ma’u ‘a e ngaahi faingamālie faka-e-ngāue ‘i he ngāue faka-pule’anga ‘o ‘ikai ko ha palopalema ‘a e feitu’u ‘oku nau ‘iai. ʻOku to e fakalakalaka ange ‘a e founga tohi tala ngāue ko eni pea faka’atā ki he pule’anga ke vaveange mo faingōfua ange ‘enau ngāue ki he ‘u tohi kole ngāue.

ʻI hono fakalahi ko ia ʻo e faingamālie ke ma’u ai ‘a e ngaahi fakamatala fekau’aki mo e ngaahi lakanga ‘oku ‘atā pea mo faka-faingofua’i ai ‘a e founga ‘oku fai ai ‘a e ngāue ki he ‘u tohi kole ngāue, ‘Oku tokoni ai ‘a e PSC ke fa’u ha fa’unga ngāue ‘a e pule’anga ‘oku malohi mo malava ke ne fua fatongia lelei ki he tangata’i/fefine’i fonua ‘o Tonga.

The Ministry of Foreign Affairs will soon post all new vacancies through the Tonga Network Employment, making it easier for citizens to apply for government positions. This is the primary place for anyone interested in public service roles to find new opportunities. The portal will provide access to job listings across all Ministries, Departments, and Agencies in Tonga’s government, as well as the private sector. While job postings may also appear on the specific organization’s own websites or their official Facebook page, it is highly recommended to check the Vacancy Portal.

ʻOku tukupā ʻa e PSC ki he hokohoko fai ‘oe ako fakalakalaka fakapalofesinale ʻa e kau ngāue faka-pule’anga. ʻOku mau ʻoatu ha ngaahi polokalama ako kehekehe ʻoku faka-taumuʻa ke fakalahi ʻa e ngaahi potoʻi ngāue mo e ngaahi tuʻunga taukei ʻo e kau ngāue faka-pule’anga ‘i he ‘u tu’unga kotoa pe. ʻOku katoi ʻi he ngaahi polokalama ko ʻeni ʻa e ngaahi ‘elia hangē ko e tuʻunga fakatakimuʻa, tu’unga pule’i, fa’u ʻo e ‘u tuʻutuʻuni, mo e taukei faka-tekinikale. Ko e ngaahi faingamālie ki he ako fakataukei ‘oku fakalelei’i ma’u pe ke fenāpasi mo e fiema’u ‘oku ‘aofia ‘a e sekitoa ki he kakai, mo fakapapau’i ‘e malava ma’u pe ‘e he kau ngāue ‘o hokohoko atu ‘a e fakatupulekina fakataukei ‘i honau ngaahi lakanga.

ʻOku fakahoko ʻe he PSC ʻa e ngaahi sivi ‘oe ngāue faka-pule’anga, ʻa ia ʻoku fiemaʻu ke hu ki ha ngaahi lakanga ngāue sivile pea mo hiki hake ki ha tu’unga ‘oku ma’olunga ange ‘i loto ‘i he pule’anga. ʻOku tokoni ʻa e ngaahi sivi ko ʻeni ke tauhi ha tuʻunga maʻolunga ʻo e ngāue pea ke fakapapauʻi ‘a e kau kanititeiti ʻoku nau ma’u ‘a e ‘u taukei fe’unga ka e pehē ki he ngaahi ‘ilo. Ko e ngaahi fakamatala ki hono fakahokohoko ‘o e sivi, teuteu’i ‘a e ‘u me’a fakapepa, pea mo e founga hono fakahoko ‘o e ‘u tohi kole ngāue ‘oku lava ke tuku atu ia ‘i he PSC.

Vave ni mai: te ke lava ʻo fakaʻaongaʻi ʻa e Hū’anga ʻa e tangataʻi/fefine’i fonua ke fakahū ha kole pe fehuʻi ki he Komisoni ‘a e Ngāue ma’ae kakai. ʻOku faka-taumuʻa ʻa e polokalama ko ʻeni ke fakaleleiʻi ʻa e tauhi ‘o e totonu, founga fe’uhi’aki, mo e ngāue fakalukufua ma’ae kakai ʻaki hono fakaʻatā ʻa e tangataʻi/fefine’i fonua ke fakahū ʻenau fakakaukau mo muimuiʻi ʻa e fakalakalaka ʻo ʻenau tikite.

Kapau ʻoku ke fie fakahū ha launga fekauʻaki mo ha Potungāue, Kautaha pe ko ha va’a ‘a e pule’anga ‘i he malumalu ‘o e Fakahokohoko 1 ‘o e Lao ki he Ngāue ma’ae kakai, pea ‘e lava ke ke fakahū ho’o launga ‘o fakafou ‘i he ‘u foomu launga ‘a e PSC.

1. Kimuʻa pea ke fetuʻutaki mai kiate kimautolu, ʻoku totonu ke ke ʻuluaki feinga ke fakaleleiʻi hoʻo lāunga mo e potungāue, kautaha pe ko e va’a ‘a e pule’anga ‘oku fakapatonu kiai ho’o lāunga, ‘a ia ‘e lava ke ke fakahoko ia ‘o fakafou ‘i he hū’anga koia ‘a e tangata’i/fefine’i fonua. Pea kapau ‘oku ‘ikai ke ke fiemālie mo e aofangatuku ‘o e ola, pea ‘e lava ke ke hoko atu ‘o lāunga mai kia kimautolu.
2. Hu ki he PSC launga Portal: ʻalu ki he uepisaiti fakalao ʻa e PSC pea lomiʻi ʻi he “fai ha launga”, ʻa ia te ne tataki koe ki he foomu fakamatala.
3. Fakafonu ʻa e Foomu ‘Omi Fakakaukau:
   Fakafonu e fōmú ʻaki e ngaahi fakaikiiki ʻoku fiemaʻú, kau ai e:
   • Natula ʻo hoʻo fehuʻi pe lāunga
   • Potungāue fakapuleʻanga pe sēvesiʻoku kau ki ai
   • Mo ha ngaahi fakamatala fakapepa pe fakamoʻoni (ikai tuku pau)
4. Vakai’i moTali: ‘E ʻoatu ʻe he PSC hoʻo fokotu’u fakakaukau pe lāunga ki he Potungaue ‘oku fekau’aki moia, ke vakaiʻi. ‘E tauhi pe ‘a e fetu’utaki mo koe ki he tu’unga ‘oku ‘iai pe ko e ‘uuni ngāue kuo fakahoko ki he me’a na’a ke fakahu mai.

Tauhi malu mo Fakapulipuli: ʻOku fakapapauʻi ʻe he PSC ‘oku tauhi malu mo fakapulipuli ‘a ho ngaahi fakaikiiki

Kataki ʻo fakatokangaʻi ange ʻoku ʻikai to e tali ʻa e ngaahi fakahū mai ‘o ha me’a faka-pepa ʻi he ʻofisi PSC. Ko e sisitemi fokotu’u fakakaukau ʻi he ʻInitaneti ko e founga fakaʻofisiale ia ki hono fakahū mai ʻo e ngaahi fakaʻekeʻeke pe lāunga, ʻo fakapapauʻi ʻoku fai ‘a e lelei taha mo totonu ki he ‘u me’a kotoa pe ‘oku fakahū mai.

ʻI hoʻo ngāue’aki ‘a e Sisitemi ‘i he ‘initaneti ‘a e PSC, ‘oku ke fakapapau’i ai ‘oku ongona ho le’o ‘i ha founga ‘oku malu, lava ke muimui’i, pea malava ke hoko.

‘Oku ngāue ‘a e Komisoni Ngāue ma’ae Kakai, ‘i he malumalu ‘o e ngaahi lao mo e ngaahi tu’utu’uni tefito ‘oku nau pule’i ‘a hono fokotu’utu’u, mo e ngaahi fatongia ‘o e kau ngāue faka-pule’anga, mo e tu’unga ‘oku ‘iai ‘a e ‘u ngāue’anga. Ko e ngaahi lao mo e ngaahi tu’utu’uni ko ‘eni ‘oku nau fa’u ‘a e makatu’unga ‘o e ngāue ma’ae kakai ‘o Tonga, ‘o fakapapau’i ‘oku ngāue ‘a e kau ngāue faka-pule’anga kotoa pe ‘i he angatonu mo e faka-palofesinale.

• Lao ki he Ngāue Faka-pule’anga 2020– ‘Oku pule’i ‘e he Lao ko ‘eni ‘a e fokotu’utu’u, ngāue, mo e ngaahi fatongia ‘o e PSC mo e kau ngāue faka-pule’anga, ‘o fakapapau’i ‘oku ola lelei mo totonu ‘a e me’a kotoa ki he kau ngāue faka-pule’anga.
• Ko e Tu’utu’uni ki he Ngāue Faka-pule’anga 2004 – ‘Oku ‘omi ‘e he lao ko eni ‘a e fakahinohino ki he ngaahi to’onga faka’efika ‘i loto ‘i he sekitoa ma’ae kakai, kau kiai ‘a e tu’unga ‘o e faitotonu, fakapalofesinale mo hono tokangaekina ‘a e kau ngāue faka-pule’anga kotoa pe.
• Employment Relations Bill 2020 – These regulations ensure safe working conditions for public servants, promoting health and safety in government workplaces.
• Ngaahi Fakahinohino ki hono Pule’i ‘o e Ngaahi Founga fakahoko Ngāue – ‘Oku fokotu’u ‘e he tohi ni ‘a e ngaahi tu’unga ki hono sivi’i ‘o e ngāue ‘a e kau ngāue faka-pule’anga, ‘o fakamama’u ki he tauhi ‘o e totonu, hokohoko atu e fakataukei ke leleiange, pea mo faka’ilonga’i ‘a e ngaahi ngāue lava me’a ma’olunga.