Ngaahi tokoni fakafou he ‘initaneti
Pisinisi & ‘Inivesimeni
Kapau ko ha tokotaha pisinisi koe pe ‘okúke fiema’u ke ke ‘inivesi ‘i Tonga, te ke ma’u atu e ngaahi fakaikiiki ‘i heni.
Tokoni mei muli & ‘Inivesimeni
Ko e Potungāue ki Muli ‘a e ‘uluaki feitu’u ke ke fetu’utaki kiai ki ha ngaahi fiema’u fakavaha’a Pule’anga, tokoni fakahangatonu mei muli pe ‘inivesi mei muli. Ko kinautolu ‘oku nau loto ke fakahu mai ha’á nau kole pe ki ha toe fakaikiiki ange ki he Potungāue, kuo ‘i ai e timi ngāue tenau tokoni atu ki he ngaahi founga mo e hokohoko ‘o e ‘invesi pe tokoni.
He kaha’u vave mai: Ke fetu’utaki mai ki he Potungāue ki ha taimi fepōtalanoa’aki ‘e fakafou mai he peesi ‘initaneti “Citizen Portal”.
Ke fetu’utaki hangatonu ki he Potungāue ki Muli ha taha ‘oku fiema’u ha vā fakatipilometika, fefakatau’aki koloa mo Tonga ni. Ko e Potungāue ‘oku nau ngāue kotoa ki he ngaahi fakaikiiki fekau’aki mo e ngaahi aleapau fakavaha’a Pule’anga, alealea fefakatau’aki pe hoa ngāue fakavaha’a Pule’anga.
He kaha’u vave mai: Ke fetu’utaki mai ki he Potungāue ki ha taimi fepōtalanoa’aki ‘e fakafou mai he peesi ‘initaneti “Citizen Portal”.
Ngaahi Pisinisi
‘E malava ke lesisita/laiseni ho’o pisinisi ki ha fika tukuhau ‘o fakafou ‘i he peesi ‘initaneti ‘a e Potungaue Fefakatau’aki mo e Fakalakalaka Faka’ekonomika (MTED), pe ko ha’o a’u hangatonu ki he ‘ofisi ‘a e MTED. Ki ha toe fakamatala fakaikiiki ki he Laiseni Pisinisi ‘e ma’u atu ia heni.
Ke lesisita ha pisinisi vaka mamata tofua’a kuopau ke ke tohi kole ki he Potungāue Takimamata ke ma’u ha’o laiseni fakatakimamata pea mei ai teke lesisita ho pisinisi ki he Potungāue Tānaki Pa’anga Hū Mai mo e Tute ki he ngaahi ‘uhinga fakatukuhau.
Ko e ngaahi tukuhau ngāue’aki 15% (CT 15%) ‘oku mahu’inga kehekehe pe fakatatau ki he koloa ‘oku hū mai, hange ko e kava malohi mo e tapaka ‘oku ngaue’aki e tute ekisia.