23 Fepueli 2025
3
Puke Fo’ou
63
Fakakatoa kau Puke
8
Takoto Falemahaki
0
Kau Mate
Fakamatala Mahu’inga
- ‘I he ‘aho ni, ko e puke fo’ou ‘e 3 he tengi kuo lipooti mai, fakakatoa e kau puke he tengi ko e toko 63.
- Ko e tokolahi taha mei Vava’u (26) pea toenga ‘i Tongatapu (25) mo ‘Eua (12).
- Ko e ta’umotu’a ‘oku uesia lahi taha ko e ta’u 10-19.
- Ko e toko 8 ‘oku nau takoto he falemahaki (5 Vaiola, 3 Niu’eiki), ‘oku fakafiemalie kotoa pe.
- Te’eki ke ‘i ai ha mate he tengi ‘e lipooti mai.
- Ko e ngaahi ngaue ki hono tau’i e to’umahaki ‘oku lele hokohoko pe ki he ngaahi ‘api mo e kolo ‘o e kau
puke, kau ai e polokalama talatalanoa mo e Siasi Uesiliana ‘o Malapo mo Ma’ufanga.
Ngaahi Fale’i ki he Kakai
- Faka’auha e ngaahi toka’anga vai ‘e ala fakafanau ai e namu ‘i he ngaahi ‘api nofo’anga.
- Tui ha ngaahi vala malu ke malu’i kimoutolu mei he kai ‘a e namu.
- Ngaue’aki ha tainamu pe ko ha ngaahi kilimi pe hina fana ki hono tamate’i pe tuli e namu.
- Kapau ‘oku ongo’i puke pea ma’u e ngaahi faka’ilonga fakatu’utamaki ‘o e mofi tengi, feinga leva ki ha
tokoni fakafaito’o he vave taha. - Ko e ngaahi fehu’i pe fiema’u fale’i, fetu’utaki ki he Potungaue Mo’ui ‘i he fika 74000415 pe 7400416 pe
ko e a’u tonu ki he falemahaki pe senita e mo’ui ofi taha.
Ngaahi Faka’ilonga e Tengi
- Mofi lahi
- Langa’ulu lahi
- Langa e tu’a mata
- Felangaaki sino moe
- Hokotangahui
- Tokakovi mo e lua
- Fefulai ngaahi lama
- Fefele he kili ‘asi hili ‘aho 3-4 mei he kamata ‘a e mofi
Faka’ilonga ‘o e pukelahi he tengi ko e langakete, fanoa toto he te’enifo, pe lua toto, pea ‘oku fiema’u ke feinga leva ki ha tokoni fakafaito’o.