Fakatatau ki he kupu 32 and 34(1) ‘o e Lao ki he Pule’i ‘o e Me’a Fakafokifā [Vahe 7.02], pea ‘i he’eku fakapapau’i ‘a e ngaahi me’a ko ‘eni –
(1) ‘Oku kei mafola ‘a e mahaki novel coronavirus (“COVID-19”) fakamamani lahi pea ‘i he ngaahi Fonua ofi ki Tonga;
(2) ‘O fakatatau ki he Ngaahi Tu’utu’uni Fakahā ‘o e Tu’unga Fakatu’utamaki ki he Mo’ui (COVID-19) 2020, ‘i hono fakatonutonu, tukukehe ka toe fakalōloa ‘i he kupu 167 ‘o e Lao ki he Mo’ui ‘a e Kakai [Vahe 12.15] pea mo e Fakahā ko ia ‘o e COVID-19 ko e Mahaki Fanongonongo Fakatu’utamaki ‘i he ‘aho 11 ‘o Ma’asi 2021 pea kasete’i ‘i he ‘aho 11 ‘o Ma’asi 2021, kuo mahino mei ai ‘oku kei hokohoko mai pe ‘a e fakatu’utamaki ki he mo’ui ‘a e kakai ‘i Tonga;
PEA ‘oku ou fiemalie ai ke kei ngaue’aki ‘a e mafai ‘i he me’a fakafokifa koe’uhi ke ta’ofi pe fakasi’isi’i ‘a e malava ke hoko mo e mole koi a ‘a e mo’ui koe’uhi ko e COVID-19, ‘i he’ene pehe ‘oku ou fakafo’ou ai ‘a e Fakahā ‘o ha Tu’unga Fakafokifā ‘a ia na’e fakahoko ‘i he ‘aho 12 ‘o ‘Epeleli 2021, ke ngaue’aki ki he kotoa ‘o e ngaahi ‘elia ‘o e Fonua mo e potu tahi ‘o Tonga ‘o kamata mei he ‘aho Monite 10 ‘o Mē 2021 ‘i he taimi 8.00 efiafi, ki he ‘aho Monite 7 ‘o Sune 2021 ‘i he taimi 8.00 efiafi, tukukehe ‘o ka toe fakafo’ou ‘o fakatatau ki he lao.
