News & Press Release

Weather Forecast

Upcoming Holiday

Nov.
08 Constitutional Day (To be observed on November 8th)

Fakamatala ‘Ea Makehe Hono 03 Ma’a Tonga Fekau’aki mo e ‘Alotamaki Fakatalopiki ko 06F (TD06F)

Jan 28, 2021 8:29 pm ( 18 Visits )

FAKAMATAFAKAMATALA’EA MAKEHE HONO 03 MA’A TONGA FEKAU’AKI MO E ‘ALOTAMAKI FAKATALOPIKI KO 06F (TD06F) ‘I HONO TUKU ATU
MEI HE SENITA FAKAMATALA FAKASAIKOLONE ‘A TONGA I FUA’AMOTU ‘I HE TAIMI 8:00PM TU’APULELULU 28 SANUALI 2021
……………………………………………………………………………………………………………………………………………………………..

‘ALOTAMAKI FAKATALOPIKI KO 06F (TD06F)
KO E NGAAHI FAKATOKANGA:
	‘OKU KEI TU’U PE FAKATOKANGA AFAA KI HE NGAAHI VAHEFONUA MO E POTUTAHI ‘O VAVA’U, HA’APAI, TONGATAPU MO ‘EUA PEA MO E POTUTAHI ‘O E ONGO NIUA, TELE-KI-TONGA MO TELE-KI-TOKELAU. ‘OKU KEI TU’U PE FAKATOKANGA MATANGI MALOHI FAKATUPU MAUMAU KI HE VAHEFONUA ‘O E ONGO NIUA. ‘OKU KEI TU’U PE FAKATOKANGA ‘UHA LAHI MO TAFEA KI HE KOTOA E NGAAHI VAHEFONUA ‘O E ‘OTU TONGA NI. ‘OKU KEI TU’U PE FAKATOKANGA PEAU AAKE MALOHI MALAVA KE NE FAKATUPU HA MAUMAU PEA MO E FALE’I KI HE NGAAHI VAKA IIKI KE ‘OUA ‘E FAI HA OO KI TAHI KI HE KOTOA PE NGAAHI POTUTAHI ‘O E ‘OTU TONGA.

TU’UNGA ‘O E ‘EA
	Ko e ‘alotamaki fakatalopiki ko 06F na’e fe’unga hono uhouhonga mo e latitude 19.5° faka-Tonga moe longitute 178.2° faka-Hihifo pe koe 365KM Hihifo Tokelau-Hihifo ‘o Tongatapu, 400KM Hihifo Tokelau-Hihifo ‘o ‘Eua, 410KM Hihifo ‘o Ha’apai, 460KM Hihifo Tonga-Hihifo ‘o Vava’u, 525KM Tonga Tonga-Hihifo ‘o Niuafo’ou, 620KM Tonga-Hihifo ‘o Niuatoputapu he taimi 7:00pm efiafi ni. Ko e ‘alotamaki fakatalopiki ko 06F ‘oku fakafuofua ke ne nga’unu fakaTonga-Hahake mai ki he ‘otu Tonga he pooni ki ‘ahengihengi. Ko ha matangi malohi fakatupu maumau ki ha afaa fakataha pe ki ai mo ha ‘ao’aofia, ‘uha lahi mo ha manamana te ne uesia e ‘Otu Tonga he pooni mo ‘apongipongi.

	KI VAVA’U, HA’APAI, TONGATAPU MO ‘EUA: Angi e matangi mei he Tokelau mo e Tokelau-Hahake mailetahi 20-25 ki he houa (40-50km/hr) pea faka’au pe ke a’u ki he matangi malohi fakatupu maumau mailetahi 30-40 ki he houa (60-80km/hr) ha ngaahi taimi he efiafi ni pea to takutaku ‘o a’u ki he mailetahi 45-50 ki he houa (90-100km/hr) ha ngaahi taimi. Lahi ke ‘ao’aofia pea popo’uli e langi he pooni fakataha pe ki ai mo ha ‘uha tu’u mo to pea mo lolo lahi ‘i ha ngaahi taimi pea mo ha manamana te ne fakatupu ha tafea e ngaahi feitu’u ‘oku ma’ulalo ange. Hou ke hou ‘aupito e tahi (a’u ki he mita ‘e 4-6). Aake malohi e peau malava ke ne fakatupu ha maumau mei he Tokelau-hihifo (a’u ki he mita ‘e 4). ‘Ikai ke lelei e vakai he ngaahi feitu’u ‘oku ‘uha lahi. KI HE ONGO NIUA: Angi e matangi mei he Tokelau mo e Tokelau-Hihifo mailetahi 20-25 ki he houa (40-50km/hr) pea a’u ki he mailetahi 30-35 ki he houa (60-70 km/hr) ha ngaahi taimi. Lahi ke ‘ao’aofia pe pea mo fakapopo’uli e langi fakataha pe ki ai mo ha ‘uha tu’u mo to pea mo lolo lahi mo ha manamana te ne fakatupu ha tafea he ngaahi feitu’u ‘oku ma’ulalo ange. Hou ke hou ‘aupito e tahi (a’u ki he mita ‘e 4). Aake mamalohi ki he malohi fakatupu maumau e peau mei he Tokelau-hihifo (a’u ki he mita ‘e 4). ‘Ikai ke lelei e vakai he ngaahi feitu’u ‘oku ‘uha lahi. KI HE NGAAHI POTUTAHI ‘O TELE-KI-TONGA MO TELE-KI-TOKELAU: Angi e matangi mei he Hahake mo e Tokelau-Hahake mailetahi 20-25 ki he houa (40-50km/hr) pea a’u ki he mailetahi 30-40 ki he houa (60-80km/hr)ha ngaahi taimi pea to takutaku ‘o a’u ki he mailetahi 45-50 ki he houa (90-100km/hr) ha ngaahi taimi.. Hou ke hou ‘aupito e tahi (a’u ki he mita ‘e 4-6). Aake mamalohi e peau malava ke ne fakatupu ha maumau mei he Tokelau (a’u ki he mita ‘e 4).

HU’A MO E MAMAHA ‘O E TAHI
	MAHATOKA : 01:50AM (‘AHENGIHENGI) TAUMALIE : 08:00AM (‘APONGIPONGI)

KO E FUA E PALOMETA ‘I HE MALA’E VAKAPUNA FUA’AMOTU HE TAIMI 8:00PM NA’E MILIPA E 1004.4 PEA KO E HAUHAU ‘O E ‘EA NA’E PESETI ‘E 98%. KO E FAKAMATALA MAKEHE HONO HOKO MA’A TONGA FEKAU’AKI MO E ‘ALOTAMAKI FAKATALOPIKI KO 06F ‘E TUKU ATU IA HE TAIMI 11:00PM ‘O E POONI PE OFI KI AI.
………………………………………………………………………………………………………………………………………………………………………………………………….
FCD: OF/TTK/VF/PK/NH/ML/SIV/SU= CRS: UV/=