Í HONO NGAUEÁKI ó e ngaahi mafia kuo foaki é he kupu 37 mo e 39 ó e Lao ki hono Pule’i ó e Ngaahi Meá Fakafokifa [Vahe 7.02] pea í hono tali ó e –
A fakahä kuo fakahoko é he Kautaha Moúi á Mamani fekauáki mo e Novel Coronavirus (“COVID-19”) ko e mahaki óku mafola fakamamani lahi pea óku kei fakalalahi;
B tuútuúni ki he Ngaahi Tuútuúni Fakahä ó ha Tuúnga Fakatuútamaki ki he Moúi (COVID-19) 2020, í hono fakatonutonu tukukehe ka toe fakalöloa í he kupu 167 ó e Lao ki he Moúi á e Kakai [Vahe 12.15] mo e Fakahä ó ha Mahaki Fanongonongo Fakatuútamaki í he áho 11 ó Maási 2021 mo e ngaue ke taófi mo fakasiísií á e mafola á e COVID-19 í Tonga; moe
C Fakafoóu ó e fakahä ó ha Tuúnga Fakafokifa í he áho 7 ó Sune 2021,
‘oku fakahoko heni é he Komisiona ó e Polisi Tonga mo e Éikitau ó e Kau Tau á Éne Áfio, ko e ongo ófisa kuo fakamafai í he kupu 36(2) ó e Lao ki hono Puleí ó e Ngaahi Meá Fakafokifa 2007 á e Ngaahi Fekau ni –
(1) Kuo pau ke kamata ngaueáki á e Ngaahi Fekau ni mei he 8:00 efiafi ó e áho Monite 7 ó Sune 2021 ki he 8:00 efiafi ó e áho Monite 5 ó Siulai 2021 pea kuo pau ke ngaueáki ki he ngaahi feituú kuo fakamahino í he Fakafoóu ó e Fakahä ó e Tuúnga Fakafokifa ó e áho 7 ó Sune 2021, tuku kehe ó ka toe fakafoóu.
(2) Koeúhi ko e ngaahi taumuá ó e Fekau ni, tukukehe ka fiemaú ha úhinga kehe í hono tuúnga –
“kau ófisa fakamafai” óku úhinga ki ha taha pe faáhinga ó ha niíhi kuo fakamafaií ó fakatatau ki he kupu 36 óe Lao ki he Puleí ó e Meá Fakafokifa 2007 mo ha taha pe niíhi kuo fokotuú ó fakatatau ki he kupu 177 mo e 178 ó e Lao ki he Moúi á e Kakai 2008;
“naunau maluí” ‘oku úhinga ki ha faáhinga teunga ó kau kiai á e holoholo, kofunima, vala pe meángaue óku ngaohi ke fakasiísií á e mafola ó e mahaki;
“fakatahaánga fakatokolahi” óku úhinga ki ha fakatahaánga óku íkai laka hake á e tokolahi í he took 50 í loto í fale mo e took 100 í tuá í ha faáhinga fakatahaánga pe, tukukehe á e ngaahi fakatahaánga lotu mo e ngaahi akoánga; mo e
“vä mamaó fakaetangata” óku úhinga ki he tauhi ó e vä mamaó mita é 1.5 mei ha taha pe í he taimi kotoa pe.
(3) Kuo pau ke ngaueáki á e ngaahi tapui ó e feáluáki í he poúli mei he taimi 12:00 tuápo ki he taimi 5:00 pongipongi.
(4) Kuo pau ke fakamalohií á e tapui ó e feáluáki í he poúli é he Polisi Tonga, Kau Tau á Éne Áfio mo e kau ófisa fakamafai fekauáki.
(5) Kuo pau ki he kotoa ó e ngaahi ouau mo e ngaahi fakatahaánga í Tonga ni ke –
(a) íkai toe laka hake í he tokolahi kuo fakaúhingaí ko e fakatahaánga fakatokolahi;
(b) faipau ki he tauhi ó e vä mamaó fakaetangata; mo e
(c) faipau ki he ngaahi tuútuúni á e Potungaue Moúi fekauáki mo e tauhi ó e maá mo e haisini.
(6) Kuo pau ke fakangatangata ha fakataha’anga ouau putu ki ha tokolahi ko e toko 50 ‘i loto ‘i fale mo e toko 100 ‘i tu’a pea ke ‘i aim o ha ‘ofisa fakamafai ‘i he lolotonga ‘a e putu.
(7) Kuo pau ke ma’u ‘e he Polisi Tonga mo e Kau Tau ‘a ‘Ene ‘Afio mo ha kau ‘ofisa fakamafai ‘a e mafia ke fakamalohi’i ‘a e ngaahi Fekau ni, koe’uhi ko e ngaahi taumu’a ke malu’i ‘a e malu ‘a e kakai mo hono tauhi ‘o e malu ‘a e mo’ui ‘a e kakai.
(8) Kuo pau ke tauhi mo faka’ai’ai ‘a e vä mama’o fakaetangata ‘i he taimi kotoa pe pea kuo pau ke ngaue’aki ‘a e naunau malu’i ‘i he ‘ene ala lava.
(9) Kuo pau ke tauhi ‘e he taha kotoa ‘a e tauhi ‘o e nima ke ma’a pea kuo pau ke muimui pau ‘a e taha kotoa ki he Ngaahi Fale’i ki he Mo’ui ‘oku tuku atu ‘e he Potungaue Mo’ui felave’i mo e COVID-19.
(10) Kuo pau ke ngaue’aki ‘a e kotoa ‘o e ngaahi tu’utu’uni ‘i he ngaahi Fekau ni ki he taha kotoa pe.
