05 Fepueli 2020 Na’e fakamo’oni ‘e he Pule Lahi ‘o e Potungaue Ngaahi Ngaue Lalahi, Ringo Fa’oliu, he ‘aho ni (Pulelulu 29 Sanuali 2020) pea mo e Talekita Pule ‘o e Kautaha Puloka Construction ‘a e Aleapau ki he ngaue ki he taulanga‘i he Ongo Niua.
Na’e fakahoko foki ‘a e savea ki he malu mo e hao ‘a e fefolau’aki vaka tahi, ‘i he ngaahi taulanga‘i he ngaahi motu ‘i tahi ‘i he 2018, pea na’e fokotu’utu’u ‘e he savea ko ia ‘a e ngaahi fiema’u ke fakalelei’i ‘a e ngaahi taulanga ko ia, koe’uhi ko e hao mo e malu ‘a e ngaahi vaka mo e kau folau. Na’e ‘osi fai foki ‘a e ngaue ia ki he taulanga ‘o Ha’apai mo Vava’u ‘i he 2019, o fakapa’anga ‘e he Pangike ‘a Mamani he polokalama ngaue Transport Sector Consolidation Project.
Ko e ngaue ‘i he taulanga ‘o e Ongo Niua – Taulanga Futu ‘o Niuafo’ou mo e Taulanga Pasivulangi ‘o Niuatoputapu, ‘oku fakatefito ki he fakalelei ki he ‘elia fakahifo mo e fakaheka, pea mo e ‘elia ‘oku tau ai ‘a e vaka, fetongi ‘a e ngaahi pou ta’anga maea mo e fakamolu, pea mo e funga uafu. Oku fakaangaanga ke kamata ‘a e ngaue‘i ha mahina ‘e taha mei heni.
Ko e Kautaha Five Star Construction ‘oku nau lolotonga fakahoko ‘a e ngaue tatau‘i he taulanga ‘o ‘Eua. Ko e ngaue ki he Taulanga Nafanua ‘o ‘Eua ‘e ‘osi ia ki he konga loto ‘o Siulai 2020 pea ko e taulanga ‘o e ongo Niua ‘e ‘osi ia ki Sepitema 2020.
Koe ngaahi ngaue ni ‘oku toe fakapa’anga pe ia ‘e he Pangike ‘a Mamani‘i he polokalama ko e Tonga Climate Resilient Transport Project.
NGATA’ANGA.
Tuku atu mei he Potungaue ki he Ngaahi Ngaue Lalahi
